Ástarbragð á öðrum sunnudegi aðventu.

Góðan og blessaðan daginn.

Já það er víst kominn annar sunnudagur í aðventu og alltaf er maður jafnhissa hvað tíminn æðir áfram. Á einhverjum tímapunkti finnst manni að maður hafi allan heimsins tíma til að sinna því sem gera þarf fyrir jólin og svo er bara allt í einu tvær viikur til jóla og ég bara búin að baka eina sort..... þetta gengur náttúrulega ekki. Svo nú er bara að setja á sig svuntuna og byrja á baka (þessi var stolin úr Toyota auglýsingu sem ég heyrði í útvarpinu rétt í þessu..). Nei án gríns, ég er alveg pollróleg en ofninn er orðinn heitur svo nú á að skella í lakkrístoppa fyrir húsbóndann.

Nokkrar jólaseríur rötuðu rétta leið í gær svo gluggarnir eru orðnir jólalegir og allur bærinn er kominn í jólaskap. Þetta er yndislegur tími.

Heimasætan er í þéttu prógrammi þessa dagana í tengslum við tónlistaskólann en þar spilar hún í grunnsveit blásturdeildar á klarinett. Þau spiluðu á tónleikum í VMA á miðvikudaginn og á Glerártorgi í gær. Duglegir krakkar.

Jæja gerði smáhlé í þessari færslu. Nú eru lakkrístopparnir semsagt klárir. Þeir voru reyndar aðeins of lengi í ofninum en hvað, smá ástarbragð hefur nú aldrei drepið nokkurn mann svo minn heittelskaði ætti að lifa þetta af. Taka viljann fyrir verkið.....Bakstur er ekki alveg mín sterkasta hlið en ég held ótrauð áfram samt..... Það var nefnilega þannig á mínum æskuárum að  þegar mamma var á kafi í jólabakstrinum var mín með pabba gamla í fjárhúsunum en eins og flestir vita er mikið fjör í þeim húsum á þessum árstíma. Á þessum árum var það nefnilega  svo að hverri blæsma rollu var haldið sérstaklega og síðan voru herlegheitin skráð jafnóðum. Ég var ritarinn. En þetta var nú smá útúrdúr til að reyna að afsaka ástarbragðið af lakkrístoppunum.......

Njótið dagsins við kertaljós og ekkert ástarbragð .  

Athugasemdir

[Gréta A. (IP-tala skráð) 7.12.2008 kl. 22:17]

Var hleypt til svona snemma eða bakaði mamma þín svona seint, jafnvel milli jóla og nýjars

Gaman sjá að dóttirin er í tónlistinni, klarinett er flott hljófæri og þægilegt. Pældu í því hvað það tekur miklu minna pláss en píanó td.

[JEG, 9.12.2008 kl. 14:40]

hahaha..... já hér á bæ er leitað að blæsma rollurössum og ekki eru það hrútarnir sem fá að græja þá þessa dagana ónei þvi við erum að sæða en í næstu viku fá þeir að spreita lillann sinn.  Já og ég ætla nú bara að klára að baka í næstu viku.  Enda bæjarferð framundan og sæðingar á fullu.

Kveðja úr Hrútósveitó.

[Sigrún Óskars, 9.12.2008 kl. 18:12]

já lakkrístoppar, eru þetta marenstoppar með lakkrískurli? Góð hugmynd - ég ætti að baka svoleiðis fyrir mig (fæ mígreni af súkkulaði).

svo af því ér er alin upp í borginni - hvað þýðir blæsma rolla?

kveðja norður til þín

[guðrún jónsdóttir (IP-tala skráð) 9.12.2008 kl. 18:55]

Ha,ha. Fyrir ykkur borgarbörnin að þá þýðir blæsma rolla að ærin sé tilbúin að fá hrútinn í heimsókn......Þá skilur þú vonandi hvað ég meina.....

Og Gréta mín ekki spyrja svona erfiðra spurninga...... var bara að reyna að finna skynsamlega afsökun á ástarbragðinu fyrrnefnda.....

[Dagný Þóra Óskarsdóttir (IP-tala skráð) 15.12.2008 kl. 18:32]

Hæ,hæ Gunna

Ég ætlaði nú bara að segja þér það að það eru ekki tvo i í vikaÞú skrifaðir nefnilega viika.hehe

Kær kveðja Dagný Þóra