Liverpool tekur á móti Stoke

Já nú er hafinn leikur Liverpool og Stoke á Anfield. Gerrard skoraði beint úr aukaspyrnu áður en 3 mínútur voru liðnar af leiknum en það mark var dæmt af, af einhverjum ástæðum sem voru ekki augljósar. Annars á Stoke vissan stað í hjarta mínu því þegar ég var barn hélt annar stóri bróðir með því liði og það voru Stokeplaköt út um allt í herberginu hans . Með árunum fór hann þó að halda með okkar mönnum í Liverpool sem var auðvitað viturleg ákvörðun. En Stoke er komið í úrvalsdeildina en það er býsna langt síðan síðast. Þeir eru í næstneðsta sæti deildarinnar sem stendur með 3 stig en þeir lögðu Aston Villa að velli í ágúst. Það getur því allt gerst í boltanum og við spyrjum að leikslokum. En auðvitað segi ég : Áfram Liveropool eða Heia Liverpool eins og Norsararnir segja  .

Athugasemdir

[guðrún jónsdóttir (IP-tala skráð) 20.9.2008 kl. 17:19]

Æ,æ þetta fór ekki vel. Átti von á meira en jafntefli í þessum leik. Okkar menn með boltann stóran hluta leiksins og fengu 20 hornspyrnur. Svona leiki eiga menn að vinna. Jæja en við erum þó í fyrsta sætinu.