Gengið til góðs.

Góðan og blessaðan laugardag.

Í dag var gengið/hlaupið/hjólað uppí í Hlíðarfjall ,skíðastað Akureyringa til styrktar Gísla Sverrissyni og fjölskyldu en Gísli lamaðist fyrir neðan brjóst í hjólaslysi fyrir skömmu eins og komið hefur fram í fjölmiðlum. Við mæðgur ákváðum að leggja land undir fót og styrkja góðan málstað. Ég fór með litlu skruddu í vagninum, henni til mikils leiða en heimasætan gekk með vinkonu sinni . Á brattann var að sækja enda öll leiðin þe um 5 km á fótinn (allt að 12 % halli) og til að gera okkur þetta aðeins erfiðara blés kári karlinn stíft. En þetta hafðist allt fyrir rest og upp komumst við allar saman. Það er alltaf gaman að ganga og hreyfa sig en það verður ennþá skemmtilegra þegar gengið er til góðs. Það er líka á brattann að sækja fyrir Gísla og fjölskyldu. Vonandi verður þessi dagur og þessi ganga til að auðvelda þeim að takast á við þá bröttu brekku.

Eigið góðan laugardag . 

Athugasemdir

[Hafdis Björg (IP-tala skráð) 21.9.2008 kl. 18:02]

Takk fyrir að taka mig með :) kv Hafdis

[Guðrún Una Jónsdóttir, 21.9.2008 kl. 20:20]

Fyrirgefðu mín kæra. Komdu bara með mér í ræktina í fyrramálið.......Ennþá hægt að styrkja gott málefni.