Sauðburðarsæla

Heil og sæl.

Jæja þá er árlegri sauðburðaferð fjölskyldunnar austur á Jökuldal lokið og allir sælir og ánægðir eftir sveitadvölina. Sauðburður gekk nokkuð vel þó svo alltaf þurfi nú að hjálpa þessum elskum að koma lömbunum í heiminn. Litla skrudda var hvergi bangin og lét það ekki stoppa sig þó svo sumar ærnar gæfu henni illt auga og nokkrar kipptu undan henni fótunum þegar hún var á ferð um garðann." Me, me , koddu," sagði hún bara og brosti af öllu saman.  

 

 

Ég fékk að sýna smá ljósmóðurtakta og þótti það nú ekki leiðinlegt. Það toppaði síðan tilveruna þegar Stjarna mín bar tveimur stórglæsilegum svarflekkóttum gimbrum sem ég vona að fái líf í haust.

 Semsagt yndisleg ferð. Það er ekkert betra en vera í fjárhúsunum á þessum árstíma og gleyma stað og stund. 

Athugasemdir

[Dóra (IP-tala skráð) 25.5.2008 kl. 13:00]

Það er ekki nokkur vafi um að Sól og Máney verða í lífsgimbratölunni  Þær eru meira að segja orðnar nokkuð

spakar mér til ómældrar gleði. Svo er bara að sjá hvort Von mín toppar fegurðina í litadýrðinni sem komin er

Amalía þarf að eignast gullfallega kind helst móruflekkótta en við sjáum hvað verður.