Húsmóðurþankar

Þriðji dagur aprílmánaðar runninn upp og fátt sem minnir á vorið hér norðan heiða en við erum svo sem vön því.

Fór og fyllti bílinn í gær eins og sannri húsmóður sæmir enda eldneytisafsláttur upp á einar 25 krónur per lítrann, lauslega reiknað að þá hef ég sparað um 1500 kr í gær eða ca 2 sígarettupakka en þar sem ég reykji ekki að þá fór þetta beinustu leið í sparibaukinn.... Í leiðinni kom ég við á horninu hjá Jóhannesi og fyllti körfuna af öllum lífsins nauðsynjum sem kostuðu einar 11 þúsund krónur . Afgreiðslumaðurinn góði tjáði mér að í fyrradag hefði allt verið  klikkað en þá þyrptust bæjarbúar í búðina góðu og hömstruðu eins og þeir ættu lífið að leysa fyrir verðhækkunina sem vofir yfir. Ég gat ekki betur séð en að mjólkin væri enn á sama verði.

Í fríblöðum dagsins mátti líta ýmis sparnaðarráð ss ódýrar kássur úr því hinu og þessu sem hefur dagað uppí ísskápnum  og fara á bókasafnið í stað þess að vera áskrifendur af hinu og þessu. Margt vitlausara.

Flutningabílstjórar halda áfram að mótmæla eldneytishækkunum . Djöfulsins munur að geta bara setið heima og bloggað meðan að þeir standa í þessum leiðindum. Svo er bara að sjá hvort þeir hafi eitthvað uppúr krafsinu .

Þetta endaði með jafntefli í gær, við Liverpoolarar erum bara sáttir enda mikilvægt að skora mark á útivelli en við tökum þá pottþétt á Anfield á þriðjudaginn næsta en spurning hvort við hvílum okkur ekki bara á laugardaginn og setjum varaliðið inná.......

Eigið góðan dag

Athugasemdir

[Dóra skrifar (IP-tala skráð) 5.4.2008 kl. 08:53]

Hæ hæ !  Ákvað að kíkja á bloggið hjá þér er annars að safna kröftum í laugardagstiltekt. Já mér finnst þetta flott hjá atvinnubílstjórum að gera usla er samt fegin að vera í sveitinni og langt í burtu frá hávaðanum sem fylgir.

Já vorið lætur eitthvað bíða eftir sér hér austan heiða líka ég er nú satt að segja alveg búin að fá nóg af snjó !

Hugsaðu þér það styttist í að Lukka heiðursdrottning bústofnsins verði léttari. Og það er bara snjór.

Bið að heilsa í bæinn hafið það sem allra best !!

Ein sem bíður eftir að húsmóðurhormónarnir fái löngun í tiltekt !! 

[Guðrún Una Jónsdóttir, 5.4.2008 kl. 15:09]

Gaman að heyra frá þér Dóra mín. Húsmóðurgenin mín eru í letikasti í dag. Ég notaði góða veðrið í göngutúr og æfingu með nýju kaststöngina út á hlaði. Beggi kom í miðjum klíðum og spurði hvort ég væri að fá hann. Þeir frændur fóru síðan í keilu. Hlakka til að koma í sauðburðinn. Kveðja Gunna