Ajaxilmur með smá gubbuívafi....

Loksins er tími til að setjast niður til skrifta.Yngsti heimilismeðlimurinn fékk semsagt gubbupest nr 2 á sl 2 vikum . Það þýðir átak í gólfþvottamálum því sú stutta er ekki búin að ná þessu með að láta vaða í klósettskálina þegar gusan kemur enda bara 1 og 1/2 árs í dag. Ég hef því verið óvanalega dugleg með moppuprikið sl 2 daga og húsið ilmar af ajax og gubbuilm. Mæli ekki með mjólk í uppköstum þegar kemur að þrifum.... En í dag er sú stutta hin brattasta og komin út í vagn og sefur vært í góða veðrinu sem er nú skollið á hér fyrir norðan, eins og svo oft áður .

Eitthvað hljóta öldurnar að vera lægja hjá X-d því það eina sem minnir á sjálfstæðisflokkinn í dag á forsíðu Fréttablaðsins er mynd af Davíð Oddssyni seðlabankastjóra á bridgemóti . Af svipnum að dæma gæti maður haldið að hann væri  að hugsa um ruglið í borgarstórninni sem orðinn er þvílíkur farsi að eins líklegt er að hann fari að skyggja á 100 ára gamla Fló á skinni sem nú er sýnd fyrir fullu húsi hjá LA kvöld eftir kvöld.

Nú í dag er Valentínusardagurinn . Maðurinn minn talaði um að hann væri meira fyrir unga fólkið svo þá er líklega útséð um að ég fái nokkuð í dag. En það styttist í konudaginn svo það er ennþá sjéns að fá eitthvað....

Á blaðsíðu 2 í Fréttablaðinu má  kannski finna lausn á reykingavanda öldurhúsanna en þar er sagt frá Kaffi Edinborg á ísafirði sem hefur hlaðið snjóhús  fyrir reykingafólk . Já snjöll hugmynd svo lengi sem ekki hlánar...

Nú Fréttablaðið bryddar uppá ýmsu í dag. Þar má m.a finna uppskrift af bónorði  í 18 liðum sjálfsagt í tilefni dagsins. Það er spurning hvort maður yrði ekki hættur við þegar viðkomandi loksins kæmi sér að efninu. Æi ég er líklega ekki lengur á rómantíska skeiðinu . 

Jæja þá þarf ég að fara að mæta á vaktina. Eigið rómantískan dag. 

Athugasemdir

[Elín Ingólfsdóttir (IP-tala skráð) 15.2.2008 kl. 15:38]

Sælar.

Vonandi er gubbustandinu  að ljúka á heimilinu svo þú fá fáir nú moppufrí  En ástæðan fyrir innleggi mínu á þessa færslu er sú; að mér þykir þú minnast eða vitna óþarflega mikið í Fréttablaðið . Sá miðill er jú ágætur  en mig langar að benda þér á 24 Stundir  það blað á að taka fyrst upp og á að vera efst í blaðabunka heimilanna, Frábær miðill !!!  Allavega, hafið það sem allra best og ég bið að heilsa öllum.