Góður árangur íslenskra íþróttamanna ?

Heyrði á öldum ljósvakans um árangur Rögnu Ingólfs badmintonkonu með meiru en hún hafði gert það gott á móti í Teheran !!!! Teheran ég færi nú ekki þangað þó mér væri borgað vel fyrir það. Allavega eins gott að líftryggingin manns sé í lagi. Ég tengi þennan stað allavega stríði og óeirðum, leiðrétti mig hver sem vill. En til hamingju Ragna, þetta er vonandi þess virði .

Nú aðeins meira af veðri norðan heiða. Í morgun var allt á kafi en nú er bara allt á bólakafi. Stóri jeppinn sat meira að segja fastur um stund hér á bílastæðinu áðan n.b það var sem betur fer húsbóndinn sem sat undir stýri þá. Ef það hefði verið ég hefði þetta flokkast undir "kerling undir stýri"......

En allavega, skíðaáhugamenn hljóta að gleðjast þessa dagana. Hægt að binda á sig skíðin við útidyrnar og halda á stað á vit ævintýranna. Kannski svolítið á fótinn ef menn ætla uppí Hlíðarfjall.....

Takk í bili, verð að halda áfram að elda kvöldmatinn . Ps. Muna að bolla snemma í fyrramálið ! 

Athugasemdir

[Solla (IP-tala skráð) 3.2.2008 kl. 23:45]

Til hamingju með að vera komin í hóp þessara bloggara. Já snjónum kyngir niður þessa dagana, sá einn á gönguskíðum í dag á götum Egilsstaða. Hér er annars éljagangur og skafrenningur dag eftir dag. gætið að línunum á næstu dögum.    Ps. gleymdi að gera netfang aftur og þá fæ ég svo erfitt reiknisdæmi að það verður tilviljun ef þessi færsla tekst.